Кает гын, кае

Шоненам, ом лек мый таче

Кас уремыш, клуб воктек.

Вет садак от тол тый таче,

Вес йолгорным тый тошкет.

Тый кает гын, йӧршын кае,

Ок кӱл угыч пӧртылаш.

Ойгыраш ом шич мый таче,

Весе шӱмыштет улмаш.

Гармонь йӱк ӱжеш уремыш,

Шӱшпык мур шӱмем туржеш.

Тек от тол кастен тошкемыш,

Йӱд омем шулен йомеш.

Тыгай сылне кеҥеж касын

Молан мӧҥгыштӧ шинчем?

Лучо, лектын клуб воктеке

Гармонь сем ден муралтем.

Тый кает гын, йӧршын кае,

Ок кӱл угыч пӧртылаш.

Ойгыраш ом шич мый таче,

Шӱм тул ден ок лий модаш.