+10 °С
Раш
Сылнылык тӱняште
28 Сорла , 04:27
Пеледыш - шӱм-чонлан эм
Пеледыш. Тудо вӱд, яндар юж, тазалык, тыныслык да кинде дене чак кылдалтын. Чыла тиде лиеш гын, ме шкенам пиаланлан шотлена. Пиалым эше моторлык, пеледыш сӧрастараш полшат. Тенийсе саманыште сурт-оралтыштыже мотор, чоным куандарыше изи йомак тӱня деч посна илыше ик озаватат уке, шонем. Кидпашалан кумылан ӱдырамаш тиде йомак тӱняжым эше янлык, кайыквусым ушештарыше мотор ыштыш-кучыш дене сӧрастара.
Авторын фотожо-влак.
«ЧОЛМАН» ГАЗЕТЫМ МАX-ЫШТЕ ЛУДЫНА!
Илыш тӱрлӧ савыртышан. Теве вияш, мотор корно дене кая... Но трук вучыдымын вес велыш савырна. Неле тат годым чоным луштараш тыгай йомак тӱня пеш полша. Ончыкылыклан вийым, ӱшаным ешара. Тиде юзо тӱняш пурен шогалатат, шоналтет: «Вет тиде изи, мотор деч мотор саска-влак могай гына игечым огыт чыте, но чыла сеҥен лектыт...» Ваштарешет вуйым савен, моторланен, тыйым куанен вашлийыт. Иктыжым ниялтет, весыжым тӧрлатет, а кумшыжо... «мый тыште улам» манын, вуйжым савалта. Кузе ойырен кодет? Тудыжымат изи йочала ӧндалат. Илышыште моторлыкын вийже пеш кугу. Мыйын кудывечыштемат тыгай йомак тӱня уло. Ончен куанен коштам, толшо унам-влакым куандарем. Шкежат уна-влаклан пеш йывыртем. Ожно авамым «Суртыш уна толеш гын, рыскал пура» манын ойлымыжымат ушыштем кучем.
