+10 °С
Ясно
Спорт
21 Сентября , 09:33
Таза капыште - таза шӱлыш!
Кодшо кугарнян Ӱлыл Качмаш ялыште «Осень в ритме здоровья» тазалык пайремым эртареныт. Тудым верысе школын, тӱвыра пӧртын пашаеҥже-влак да райрӱдысӧ йоча ден самырык-влаклан спорт школын тренерже А.А. Сапаев ямдыленыт.
С. Семенован фотожо-влак.
«ЧОЛМАН» ГАЗЕТЫМ МАX-ЫШТЕ ЛУДЫНА!
«Ош пеледыш» йоча усталык коллектив «Я, ты, он, она» куштымашышт, клуб пашаеҥ С.П. Семёнова весела физкультминутка дене чылалан сай кумылым пӧлекленыт, пайрем шӱлышым ешареныт. Тиде кечынак кумылан-влак куштылго атлетика дене кроссышто писылыкыштым тергеныт. Качмаш, Кӧкыш, Тыхтем ялын да райрӱдысӧ школын тунемшыже-влак 1, 2, 3 да 4 километр кужытыш куржыныт. Кугурак тукымат вараш кодын огыл: Г. Садыков, П. Раянов 1 км дистанцийым эртеныт. Сеҥыше ден призер-влаклан медальым, Чап грамотым кучыктеныт. Спорт пайремыште «50+» клубын чолга еҥже-влак чыламат шолтымо тутло пареҥге да чай дене сийленыт.
Таза илыш-йӱлалан кумылаҥдыше кечым «Шыжын поянлыкше» выставка сӧрастарен. Тушко чумырымо пакчасаска, емыж, пӱгыльмӧ, пушеҥге лышташ, пеледыш гыч ыштыме оҥай композицийым ялысе ӱдыр-рвезе-влак авашт-ачашт дене пырля ямдыленыт. Усталык шӱлышан, ойыртемалтше поделкым намийыше-влакым шарнаш кодшо пӧлек дене куандареныт.
