+20 °С
Облачно
Спорт
5 Августа , 06:31
Российысе калык-влакын спартакиадышт тӱҥалын
Кодшо шуматкечын элыште Российысе калык-влакын II Всероссийский спартакиадышт тӱҥалын. Тудым 2028 ийыште США-ште лийшаш Олимпийский модмашлан ямдылалтме шонымаш дене, отборочный йыжыҥ семын, эртарат. РФ Президент Владимир Путинын шӱдымыж почеш таҥасымаш-влак элын шым регионыштыжо эртат да октябрь покшел марте шуйнат. Программыш спортын 44 видшым пуртымо. Спартакиадыште спортсмен-влак Россий Федерацийын субъектше-влакын чапыштым аралат - тиде 48 область, 24 республика, 9 край, 4 автономный округ, федеральный значениян 3 ола, 1 автономный область (чылаже 89). Спартакиадын рӱдолажлан Екатеринбург ола шотлалтеш. Таҥасымаш-влак тыгак Башкортостан, Татарстан республикылаште, Самара, Челябинск, Калининград, Омск, Свердловск областьлаште эртат.
Уфаште Спартакиадын икымше кечыштыже эртыше таҥасымаште сеҥыше-влакым суапландарат. «Башинформ» гыч налме фото.
«ЧОЛМАН» ГАЗЕТЫМ МАX-ЫШТЕ ЛУДЫНА!
Башкортостаныште Спартакиадын еҥже-влак спортын 6 видыштыже таҥасат. Республикыш 1500 наре участник толын. Башкортостанын чапшым 120 спортсмен арала. 1 августышто Уфаште триатлон дене (1,5 километрыш иймаш, 40 километрыш велогонка да 10 километрыш куржмаш) таҥасымаш-влак эртеныт. Тушто Москва гыч Диана Исакова да Михаил Бастраков чемпион лийыныт. Чишма районышто велосипедист-влак писылыкыштым ончыктеныт - 25 километр дистанцийым эртеныт. Ӱдырамаш-влак коклаште шӧртньӧ медальым Санкт-Петербург гыч Анастасия Самсоновалан, пӧръеҥ-влак кокла гыч Савва Новиковлан кучыктеныт. Башкортостаныште тыгак спортивный кучедалмаш, гребной слалом, иймаш да фехтований дене таҥасымаш-влак эрташ тӱҥалыт.
