Оласе школлаштат лапта дене модыт

Тушто 2009 да 2011 ийлаште шочшо ӱдыр-рвезе-влак тиде спортышто писе да тале улмыштым ончыктеныт. Оҥай спорт модмаште 6-шо школын ӱдыр-рвезыже-влак (тренер А.В. Набиев) 1-ше верыш, 4-ше школын тунемшыже-влак (тренер В.Б. Васильев) 2-шо верыш, 7-ше школысо ӱдыр-влакын командышт (тренер Э.В. Сагадеев) да 17-ше школын рвезыже-влак (тренер С.О. Валетов) 3-шо верыш лектыныт.

Оласе таҥасымаште сеҥышыш лекше 6-шо школын командыже Нефтекамск олан чапшым Мелеуз олаште Башкортостан Республикын Первенствыштыже арален. Сеҥымаш тошкалтыште эрге-влакын командышт 2-шо верым, ӱдыр-влакын командышт 3-шо верым айленыт. Ӱдыр-рвезе-влакым саламлена да ончыкыжат у сеҥымашыш шуаш тыланена.