Бакале селаште ече дене таҥасеныт

21 февральыште Бакале селасе ДЮСШ-те стационар учрежденийлаште илыше да социальный услугым налше-влак коклаште Кугу Сеҥымашлан 80 ий теммылан лӱмлалтше республикысе виш ече таҥасымаш эртен. Республикынан тӱрлӧ районлаж гыч мийыше таҥасыше-влак стартыш строй дене шогалыныт - нуно икоян команде улмыштым ончыкташ ямде лийыныт. 1 да 1,5 километрым эрыкан стиль дене таҥасеныт, тыгак посна заданийым шуктеныт - трассын палемдыме участкыжым «змейка» йӧн дене эртеныт. 

Таҥасыше-влак, чыла нелылыкым шотыш налде, дистанций мучко икте-весыштлан полшен, сеҥымашыш шуаш тыршеныт. Мемнан спортсмен-влак уэш  награде-влак дене пӧртылыныт. 40 ияш пӧръеҥ-влак коклаште Артур Ясавиев икымше верым налын, 40 ий деч кугурак ийготан-влак коклаште Юрий Суходолов икымше, коляске дене таҥасымаште Алексей Сысоев кокымшо лийыныт. Тиде кече кажне участниклан кужу жаплан шарнымашеш кодеш.