Универсиадыш Россий мучко 3000 наре спортсмен, судья да уна чумырга, программыштыже бадминтон, бокс, волейбол, гандбол, дзюдо, куштылго атлетика, ӱстел теннис, иймаш, регби-7, самбо, спортивный кучедалмаш (вольный, греко-римский кучедалмаш), спорт ориентирований, тхэквондо (ВТФ) да шахмат.
БР спорт министр Руслан Хабибовын мутшо почеш, мемнан республикыште студент-влакын спортыштлан кугу тӱткышым ойырат. БР Вуйлык Радий Хабировын пунчалже дене келшышын, 2022 ий годсек регионышто ий еда БР Вуйлыкын Кубокшылан кеҥежымсе да телымсе спортын тӱрло видше дене Универсиадым эртараш палемденыт. «Республикыште тыгай Универсиадым эртарымаш студент-влакын спортыштым вияҥдаш йӧным ышта, самырык тукымым таза илыш-йӱлам кучаш тарата, тале спортсмен-влак дене палдара да нуным элысе, тыгак тӱнямбалсе таҥасымаш-влаклан ямдылаш полша», - каласен Руслан Хабибов.
Кеҥежымсе IX Всероссийский Универсиада 26 июльышто мучашлалтеш, увертара «Башинформ».