Республикысе велофестивальыште сеҥеныт

Тушто Нефтекамск оласе психоневрологий интернатын спортсменже-влакат вийыштым тергышт. Команда-влак велосипед дене 300 метрыш кудалмаште, велосипед да коляска дене фигурный вожденийлаште таҥасышт. Команда дене таҥасымаштат, личный зачетыштат мемнан спортсмен-влак эн писе да тале улмыштым ончыктышт. Велофестивальыште Нефтекамск оласе психоневрологий интернатын пӧръеҥ командыже икымше верыш лекте! Велосипед дене кудалме личный зачетышто 36 гыч 49 марте ийготан-влак тӱшкаште В. Бегунов кокымшо верым айлыш, коляска дене фигурный вожденийыште Алексей Сысоевым бронза медаль дене суапландарышт. Рвезе-влак тыгай таҥасымашлашке уло кумылын ушнат, вет спорт нунын тазалыкыштым саемда, сай кумылым пӧлекла, обществыште шкем ласкан шижаш полша.