«Спортлан шӱман эн тале еш» лӱмым сулен налме верч республикысе психоневрологий интернат ден «Еш» йӱдвел-кечывалвел межрайонный рӱдерлан пашаеҥышт гыч чумырымо шым команде вийжым тергыш. Шагаповмыт (Кушнаренко район), Мусинмыт (Дӧртыльӧ ола), Набиевмыт (Илиш район), Исанбаевмыт (Бирск ола), Ионовмыт (Калтаса район), Гараевмыт (Нефтекамск ола), Вердян (Краснокам район) еш-влак шке нергенышт палдарышт, вара корзиныш баскетбол мечым кудалтыме, кужытыш тӧрштымӧ конкурслаште, математикым ушештарыше эстафетыште вийыштым тергышт. Сеҥымаш тошкалтышыште 1-ше верым Краснокам район Раздолье селасе ПНИ гыч Вердян, 2-шо верым Нефтекамск оласе ПНИ гыч Гараевмыт, 3-шо верым Калтаса районысо «Еш» йӱдвел-кечывалвел межрайонный рӱдер гыч Ионовмыт еш айлышт. Вердянмыт еш 1 июньышто Уфаште республика кӱкшытыштӧ таҥасаш тӱҥалеш. Республикыште сеҥыше командым тӱҥ приз - «Янган-Тау» санаторийыште уло ешге каналташ каныш кечын туржо - вуча!