Тыгай кече чоным куандара. Пургыж тылзын луымшо кечыштыже «Российын ечыгорныжо» таҥасымашым эртарышт. Тушко кажне еҥ ушнен кертеш. Тиде таҥасымашыш логалмеке, чынжымак, вигак кумыл нӧлталалтеш, чоным ала-могай юзо вий авалта. Йолташ да палыме еҥ-влакым вашлияшат йӧн уло. Тидын годымак кап-кыллан моткоч куштылго, пуйто самырык студент жапыш пӧртылат. Каласен моштыдымо куан авалта.