Тидын нерген Россий Президент Владимир Путин 19-22 октябрьыште Пермь олаште XI тӱнямбал спорт форумым почмо годым увертарен. «2024 ийыште Уфа 450 ийым темыме юбилейжым палемдаш тӱҥалеш. Форумыш мийыше уна-влак Российын эше ик ойыртемалтше, оҥай, тӱрлӧ шӧрынан регионжын тӱвыраже, историйже да наследийже дене палыме лийыт», - каласен В.В. Путин. Пермьысе спорт форумышто Башкортостан Вуйлык Радий Хабиров, республикын вице-премьерже Ирек Сагитов да спорт министр Руслан Хабибоват лийыныт, увертара «Башинформ».