Илалше-влак куштылго атлетика, комбинированный эстафета, иймаш, ӱстел теннис, лӱйкалымаш, шахмат, дартс да волейболышто вийыштым тергеныт. Башкортостанын сборный командыже дартсыште шӧртньӧ, таҥасымаш-влакын чумыр лектышышт почеш ший медаль-влакым сулен налын. 1-ше верым Санкт-Петербургын, 3-шо верым Вологодский областьын командышт айлен. Спартакиадым эртараш «Демография» нацпроект йӧным ыштен, увертара республикысе Калыкын тазалыкшым аралыше министерство.