Мемнан турист-влак эн виян

Декабрь тӱҥалтыште Йошкар-Олаште спортивный туризм дене Марий Эл Республикын кубокшо верч таҥасымаш эртен. Тушто Россий Федераций (Марий Эл, Татарстан, Чуваший, Коми, Самара, Киров область, Башкортостанысе Бирск ола да Мишкан район) да Казахстан гыч эн виян команда-влак вийыштым тергеныт.

Мемнан командына неофициальный командный зачетышто сеҥышыш лектын. А. Ибаев ден А. Апсатаров личный зачетышто икымше верым, Д. Александрова ден И. Саликаева кок бронза медальым сеҥен налыныт.

Башкортостанын командыже «связкыштат» сай лектышым ончыктен. А. Ибаев ден И. Пронькин («Вояж» рӱдер гыч) чемпион лийыныт. А. Небогатикова ден
И. Саликаева, Д. Александрова ден К. Архипова ший призёр лийыныт, И. Саетгареев ден И. Батыров бронза медальым сеҥен налыныт. Андрей Ибаев, нылымше класс дистанцийыште выступатлен, спорт мастерыш кандидат нормативым темен.

Тиде таҥасымашыште Мишкан гыч «Путник» туризм рӱдерын воспитанникше-влак эн виян улмыштым ончыктеныт.