Каныш кечым таҥасымаш пайрем сӧрастарен

Спортынат шке фестивальже уло. Кодшо каныш кечылаште тыгай таҥасымаш пайремыш республикын 20 ола ден районжо гыч пӧръеҥ да ӱдырамаш-влакын командышт Агидель олаш чумыргеныт.

Ю. Айгузинын - икымше вер. Еш архив гыч налме фото.

Ийгот шот дене таҥасыше-влак тыге шелалтыныт: самырык (18-24), кокла ийготан (кок тӱшка - 25-34; 35-44) да 45 ияш деч кугурак-влак. Фестивальын программыж почеш баскетбол мечым корзиныш туран логалташ тыршеныт, дартсыште чолгалыкым да пӱсылыкым ончыктеныт, вер гыч кужытыш тӧрштылыныт, пӧръеҥ-влак перекладиныште капыштым нӧлтеныт, а ӱдырамаш-влаклан тиде упражненийым кийыме положений гыч капым нӧлтымӧ дене алмаштеныт. Таҥасымашын икымше кечыже челнок куржталмаш дене иктешлалтын. А рушарнян комбинированный эстафетыште ӱчашеныт.

Ола-влак коклаште Пӧръеҥ фестивальыште Уфан командыже сеҥен, кокымшо да кумшо верлам Нефтекамск ден Октябрьский олалан спортсменышт налыныт. Ӱдырамаш-влакын спорт пайремыштышт икымше да кокымшо верлаш тыгак Уфа ден Нефтекамск гыч мийыше уна-влак лектыныт, Кумертаун командыже кумшо лийын. Районла коклаште Дуванын пӧръеҥ да ӱдырамаш командыже-влак эн тале лийыныт, пӧръеҥ-влак коклаште мишкан-влак кокымшо, Киги районын еҥже-влак кумшо верлам налыныт. А Иглин ден Шаран ӱдырамаш-влак тыгак кокымшо да кумшо лийыныт.

Личный зачетышто сеҥыше-влакым ончалаш гын, Мишкан район Кугу Соказа ял гыч йоча спорт школын тренер-преподавательже Юрий Айгузин тиде таҥасымаште кокымшо ий почела чемпион лӱмым сеҥен налын. Шкеж деч лу ийлан самырыкрак-влаклан (45 ияш да кугурак ийготан таҥасыше-влак тӱшкаште) эше вуйым пуаш огешат шоно. Чынак, спорт - тиде илыш. Тудым кучылтын да виктарен моштет гын.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».