Все новости
Спорт
4 Сентябрьыште 2019, 14:50

Кубокым Владислав Третьяк кучыктен

31 августышто Нефтекамск оласе Ий полатыште калык шыҥ-шыҥ темын ыле. Тушто ола вуйлыкын кубокшылан хоккей модмашын пытартыш турниржым эртарышт.

Ий ӱмбалне эн самырык хоккеист - 2009 ийыште шочшо рвезе-влакын «Торос», «Волгарь», «Челны», «Салават Юлаев», «Волна», «Ижсталь» командышт вашлийыч. Финалыште «Эн тале хоккей команде» лӱмым сулен налме верч «Торос» ден «Салават Юлаев» команде-влак ӱчашышт. Нефтекамскын самырык хоккеистше-влак республикын рӱдолаж гыч толшо уна-влакым 9:2 счет дене сеҥышт!


Турнирыште сеҥыше «Торос» хоккей команда да уна-влак -
лӱмлӧ хоккеист В. Третьяк (шола гыч икымше),
тележурналист А. Любимов (пурла гыч кокымшо).
Авторын фотожо.

Кум кече шуйнышо таҥасымашын чумыр лектышыже почеш турнирыште Нефтекамск олан «Торос-2009» хоккей командыже (тренер А. Вишнев) сеҥышыш лекте. Кокымшо верым Набережный Челна олан командыже, кумшо верым «Ижсталь» команде-влак сеҥен нальыч. Нефтекамск олан изи хоккеистше-влак тиде сеҥымашыштым кужу жап шарнаш тӱҥалыт, очыни, вет кубок ден медаль-влакым нунылан Российысе хоккей федерацийын президентше, кум гана олимпийский чемпион Владислав Третьяк кучыктыш!
Читайте нас в