Пий дене пырля таҥаса

«Байкджоринг, скиджоринг, скутеринг, каникросс» да моло тыгайрак шомак-влак пытартыш ийлаште илышышкына пеш писын шыҥен пураш тӱҥальыч. Тыглай еҥ нунын мом ончыктымыштымат огеш пале докан. А теве Бурай селасе 2-шо гимназийыште физкультурым туныктышо да ДЮСШ-ште тренерлан ыштыше Владислав КУТЛИЯРОВ, ездовой спорт да тудын кеҥежымсе видше - драйленд - дене заниматлаш тӱҥалмекше, нуным пеш чӱчкыдын колеш. Вет кӱшнӧ возымо «оҥай» мут-влак пий дене пырля таҥасымаште кучылталтыт.

Пий дене таҥасаш утларакше аляскысе маламут, хаски, лайка келшен толыт, маныт. Владислав Кутлияров Сибирьысе хаским ойырен налын. Дрема пийже дене тудо шуко вере таҥасен. А тӱҥалын чылажат спортын вес видлаж гыч…

Владислав (покшелне) ден Дрема Октябрьский оласе таҥасымаштат сеҥеныт.

Мишкан районысо Пӧкленде ялеш шочын-кушшо йыгыр эрге-влак Владислав да Вадим Кутлияровмыт кугурак класслашке Чорай кыдалаш школыш тунемаш коштыныт. Туныктышо-влак сайын тунемшым эре шинча ончылно кучат. Тыге Владиславланат ик гана веле огыл районышто физика да математика дене эртарыме олимпиадылаште шинчымашым ончыкташ логалын. Физкультурым туныктышышт В.Н. Иванова когыньыштым спортланат шӱмаҥден шуктен. Рвезе-влак куштылго атлетика да ече дене заниматленыт, таҥасымашлаште спортын чыла гаяк видше дене школын да районын чапшым араленыт.

Нылымше курсышто тунемме годым Владислав Бурай школыш практикыш миен, да тудлан вигак пашаш тӱҥалаш темленыт. Тыге иканаште тунемынат, пашамат ыштен. Пензысе артиллерийский инженерный институтышто служитлен толын. А Вадим илышыжым Россий Армий радам денак кылден, кызыт контракт почеш служитла.

Владиславын пийым налмыжлан иктаж кум ий наре лиеш. Дрема пийже дене ятыр вере таҥасен. Кодший телым Российын чемпионатше гыч нылымше вер, Омскышто эртыше Российын кубокшо гыч икымше вер дене пӧртылыныт. Тений телым Октябрьскийыште, шошым да кеҥежым уэш Октябрьскийыште, Павловкышто, Бурайыште эртыше республикысе таҥасымашлаште икымше верым сеҥен налыныт. Телым Владислав скиджорингыште, кеҥежым утларакше каникроссышто таҥаса. Ездовой спортын тиде кок видше икгайрак улыт, манаш лиеш. Кокытыштыжат спортсмен кыдалеш кылдыме пий дене пырля куржеш: телым - ече дене, кеҥежым - йолын. Мутат уке, оза ден пий, ик команда семын, икте-весыштым пеш сайын умылышаш да шижшаш улыт. Тыге гына сай лектышым ончыкташ лиеш.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».