Карате пеҥгыде да лӱддымӧ лияш полша

Башкортостан Республикын сборный командыж дене Нефтекамск гыч мийыше Анастасия Захарова тушто 4-ше верым нале. Элысе 600 наре кучедалше-влак коклаште тыгай кӱкшытыш шумаш - ӱдырлан сеҥымаш дене икте. 6-8 майыште каратэ дене заниматлыше спортсмен, тренер, вуйлатыше-влак тунемме да тренировкым эртарыме сборышто аттестационный экзаменым кученыт. Сборышто карате Киокусинкайын Россий Федерацийжым вуйлатыше Юрий Шабанов (6-шо дан), WKO-н инструкторжо, Японийын сборный командыжын тренерже-влак Ямамото Кенсаку ( 5-ше дан), Ишихара Тадаши (3-шо дан) туныктеныт. Тыгай кӱкшытан методический паша верысе инструктор, спортсмен-влаклан квалификацийыштым нӧлташ, карате спортым кумданрак шарен колташ полша.