Все новости
Спорт
13 Пургыж 2019, 13:04

Ече деч посна теле лиеш мо?

Тыге ончалаш гын, тӱҥ шотышто ече дене кызытсе илышыште кӧ таҥым куча? Яллаште - школышто тунемше-влакын ик тӱшкашт, физкультурым туныктышо тренировкыш да таҥасымашыш «шӱдыркала» гын. Молыштлан ече, поснак тудын дене кылдалтше спорт, ала уло, ала уке. Олаштат тыгак. Но тыште кугурак ийготан-влак чодыра лоҥгасе ечыгорныш лекташ, оҥ тич яндар южым шӱлен толаш жапым муаш тыршат. Нунын коклаште таче сулен налме канышыште улшо-влакымат шуко ужаш лиеш, самырык годым ече дене куржталше-влак кызытат ӱдыр-рвезе-влаклан примерым ончыктат.



Теве ик туныктышо пӱтынь классым конден кертмыж нерген куанен каласкалыш. Тунемшыже-влакым (Нунышт чӱчкыдын шуҥгалтыт.) старт деч ончыч шагалрак коштса манын лыпландарыш. Очыни, ноят манын лӱдӧ. Икманаш, тидын шотышто шуко ойлаш, возаш, ӱчашымашымат тарваташ лиеш. Амалже ятыр. Но икте кидкопасе гай раш палдырна: ынде элыштына «Россий ечыгорнышкат» кӱшычын шӱдымӧ почеш веле, отчетышто «массовостьым» ончыкташ манын лектына. Теле мучкылан улыжат ик тыгай таҥасымашыште ече ӱмбак шогалше шуко ньогам да тунемшым ужына.




Пӧръеҥ-влак коклаште нефтяной колледж гыч Ринат Гаязов абсолютный сеҥыше лие, а машиностроительный колледжыште тунемше Анна Андрьянова (Илиш район Лапкашор ял гыч) ӱдырамаш-влак коклаште эн тале улмыжым ончыктыш. Моло ийготан тӱшкаште сеҥыше-влакым посна пӧлек да диплом дене палемдышт.


Анна Андрьянова.

Читайте нас в