«Наций-влакын кроссышт» - куржталме кече

Шыже кечын, 15 сентябрьыште, эл мучко эртарыме куржталмашке ушнышо-влак Нефтекамскыште кок тӱшка дене лектыныт: 9 ияш марте йоча-влак ик уштышан дистанцийыште таҥасеныт, 10 ияш деч кугурак-влак ныл уштышым куржыныт. Пӧръеҥ-влак коклаште абсолютный результатым ончымаште марий рвезе-влак ойыртемалтыныт. Икымше верым налше Владислав Яндыганов машиностроительный колледжын нылымше курсыштыжо, кумшо толшо Максим Ярмингин туштак икымше курсышто тунемыт, коктынат Мишкан район Измар ял гыч улыт. А кокымшо призер Святослав Гайнетдинов нефтяной колледжым куд ий ончыч тунем лектын, кызыт нефтяник-влак дене пашам ышта, Бирск район Курмызак ялын эргыже. Ӱдыр-влак коклаште кокымшо верым налше Алена Самиева оласе 9-ше школ деч вара тений нефтяной колледжыш тунемаш пурен, а эн изи-влак тӱшкаште кокымшо верыш лекше Диана Сапаева нылымше школын кумшо классыштыже гына тунемеш гынат, тренерже Владислав Васильев тудын да туштак нылымше классыште тунемше, нылымше верым налше (Кок тӱшкаштат икымше куд спортсменым призер семын палемденыт.) Карина Яншаева деч ончыкыжым эшеат сай кӱкшытыш шумыштым вуча.

И. ИВАНОВ.

Снимкыште: (шола гыч) М. Ярмингин, В. Яндыганов.