Все новости
Шkоллаште
19 теле 2018, 14:54

Пашам йӧратымаш вийым пуа

«Мемнан чодыраште шиште уло, а тиштым кö ужын?» - йодышым пуыш Рывыж йоча-влаклан. Тыгай сценке дене Я. Ялкайн лÿмеш марий гимназийыште Тиште кече лÿмеш эртарыме пайремна тÿҥале.

«Таче марий калыкын кугу пайремже - возыктышын, рушлаже письменностьын, шочмо кечыжым палемдат. Тиште кече - тиде мемнан ушнан, моштымашнан, возаш тунем шушо калыкын кушкын шумыжо», - умылтарышт вÿдышö-влак А. Тимиркаева ден М. Ишалина. Пайремыште тунемше-влакым мо тугай тиште, тиде кечым кунам палемдаш тÿҥалыныт, кö тидлан тÿҥалтышым пыштен да эше шуко оҥай материал дене палдарышт. Шукерте ожно «Марийын книгажым ушкал кочкын, сандене тудын книгаже уке» манын ойленыт. Тидын нерген кудымшо классыште тунемше рвезе-влак оҥай сценкым ончыктышт. 5-6 класс ÿдыр-влак марий поэт ден писатель-влакын шочмо йылмына нерген возымо почеламут да шонкалымашышт дене палдарышт. 7-8 классыште тунемше-влак мотор марий куштымаш ден «Шочмо йылме» мурым пöлеклышт. Мероприятийышкына тÿҥал-тыш класслаште тунемше-влакат толыныт ыле. Нуно «Эрдене кудывечыште» сценкым оҥайын модын ончыктышт. Пайремыште тыгак изи викториным эртарышна. Йоча-влак Тиште кече, икымше марий книга, газет да журнал-влак нерген йодыш-влаклан вашештышт. Икымше верыш С. Николкина лекте, тыгак К. Аблеева ден В. Шайдуллин сай шинчымашым ончыктышт. Пайремыш толшо уна-влаклан кугу таум каласыме, мероприятийым ямдылаш полшышо тунемше-влакым мокталтыме шуэш.
Читайте нас: