Ӱшанле тукым кушкеш

Икымше шыжа кечын Уфа олаште «Башкортостанын ӱшанже-влак» уста йоча-влакын республикысе форумышт эртыш. Тушко тӱрлö конкурслаште сеҥыше, тыгак олимпиадылаште призовой верлам налше-влакым да туныктышо-наставникыштым ÿжыныт ыле. Мемнан район гыч форумыш Наталья Алексеева (Чорай селасе марий гимназий, наставникше - О.В. Иркабаева) да Анастасия Николаева (Тынбай школ, наставникше - Н.П. Минаева) мийышт. Ӱдыр-влак коктынат марий йылме да литератур дене Йошкар-Олаште эртыше регион-влак кокласе олимпиадыште сеҥышыш лектыныт ыле.

Форум К. Давлеткильдеев лÿмеш художественный гимназий-интернатыште тӱҥале.

Форумыш мийыше ӱдыр-рвезе-влак пушеҥгым шындыме деч вара,
шарналташ кодшо манын, пырля шогал возалтыныт.

И.М. Мавлетбердинын вуйлатымыже почеш йоча-влак гимназий воктен почмо «Башкортостанын ӱшанже-влак» аллейыште шке кидышт дене пызле-влакым шындыльыч.

Тылеч вара тунемше-влакым Башкортостан Республикын Правительствышкыже наҥгайышт. Тушто Премьер-министр Р.Х. Марданов дене вашлиймаш лие. Рустэм Хабибович шуко йодышлан вашештыш, ончыкыжо олимпиадыште сеҥыше-влаклан да наставникыштлан окса премийым кучыкташ тӱҥалме нерген ойлыш. Тиде жапыште туныктышо-наставник да «Сириус» образовательный рӱдерыште тунем толшо туныктышо-влаклан «Уста икшыве дене пашам ыштыме модель» форсайт-сессий пашам ыштыш.

Марий шинчымаш тӱнян ӱшанже-влак А. Николаева, Н. Алексеева (покшелне шогат)
да туныктышышт Н.П. Минаева, О.В. Иркабаева (шола гыч).

Форумын торжественный ужашыже М. Карим лÿмеш Самырык-влакын калыкле театрыштышт эртыш. Олимпиадыште да конкурслаште сеҥыше-влаклан чылаштлан сертификат ден шарнымаш пöлекым кучыктышт. Нуным Башкортостан Республикын образований министрже

Г.Р. Шафикова саламлыш. Мучаште «Пегий пес, бегущий краем моря» спектакльым ончаш темлышт.

Форум мыланна пеш оҥай да пайдале лие. Мыйын шонымаште, аллейым шке кид дене шындымыштым, Башкортостан Правительствыш мийымыштым, шонаш таратыше да чонеш пижше спектакльым ончымыштым тунемше-влак ÿмырышт мучко шарнаш тÿҥалыт.

О. ИРКАБАЕВА.

Чорай селасе марий

гимназий, Мишкан район.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».