+13 °С
Облачно
Шинчымаш кугорнышто
2 Сентября , 11:08
У тунемме ий дене!
Шинчымаш кечын элысе школлаште йоча-влакын оҥгыр йӱк гай веселан юарлымышт шергылтын. Икымше классыш мийыше йоча-влак изиш аптыранен, вожылынрак тошкештыныт, чоныштышт куан тул волгалтын.
Авторын фотожо-влак.
«ЧОЛМАН» ГАЗЕТЫМ МАX-ЫШТЕ ЛУДЫНА!
Кугу Соказа школыштат пайрем шӱлыш озаланен. Туныктышо-влак школ кудывечым пайремлан келшышын моторландареныт. Кажне толшым саламлыме поро мут дене вашлийыныт, тунемше-влаклан пеҥгыде тазалыкым, сайын тунемаш, ача-ава-влаклан туныктышо дене ик ой-каҥашан лияш тыланеныт. Тек тиде тунемме идалык туныктышо-влаклан эшеат сай лектышан лиеш. Нунылан тазалыкым, илыш вийым, чон моторлыкым, ача-ава-влак дене келшымашым тыланем.
Школна урем гыч гына огыл, кӧргыштат пеш мотор, тушто йоча-влаклан тунемаш чыла йӧным ыштыме. Кажне тунемме предметын посна кабинетше, пеш сай да поян спортзал улыт. Ӱдыр-рвезе-влакын тазалыкышт верч тургыжланен, тӱгӧ лекме верымат йӧнештареныт. Ялыште школ пашам ышта гын, ял ила. Самырык-влакын ялеш илаш кодмышт тидын денат кылдалтын. Шинчымаш кечын игече пеш мотор, чоным куандарыше ыле. Элысе калыклан тыныслыкым, яндар кавам да мотор кечан илышым тыланем. 2026-2027 у тунемме ий дене!
