+8 °С
Ясно
Шинчымаш кугорнышто
15 Апреля , 06:49
Класснам ош пеледыш алан сӧрастарыш
Нылымше чырык дене пырля икымше классыште тунемше йоча-влаклан «Орлята России» программын «Орленок-Эколог» йыжыҥже тӱҥале.
Авторын фотожо.
Уремыште шошо толмо шижалтеш, садлан ме «Пеледыш» темым ойырен нална. Девизлан муро гыч ик куплетшым кучылтна:
Пеледышым окна гыч
Ом кӱр - пеледше тек.
Толеш авам паша гыч,
Пӧлекым кучыктем.
Телым ятыр еҥын ушкалже «кана», садлан шӧрым кевыт гыч налыт. Шӧрым йӱмеке, кленчаже кодеш, тудым озаже, конешне, шӱкшакыш кудалта. А ме тунемше-влак дене нине кленча-влак гыч пеледышым ышташ кумылаҥна. Йоча-влаклан ончычак шӧрым, йогуртым пыштыме ош кленчам да «киндер-сюрприз» модышын нарынче тӱсан атыжым пеледышын покшелжылан погаш каласыме ыле. Йоча-влак уло кумылын пашалан тарванышт. Кажныже кертмыж семын тыршыш. Куштыралан кокымшо илышым пӧлеклымылан кӧра классыштына мотор ош пеледыш-влак «пелед» шогальыч. Йоча-влаклан тӱҥалме пашашт пеш келшыш.
Новости партнеров
