Калык тӱвыралан шӱмаҥын кушкыт

Калтаса район Краснохолмский селасе 2-шо школыштат тиде кечым кумдан палемденыт: тӱрлӧ класслаште туныктышо-влак могай-гынат воспитальный шӱлышан пайремым ямдыленыт. 3 «б» классыште тунемше ӱдыр-рвезе-влакат туныктышышт Ю.Э. Кильметова дене пырля Башкортостаныште илыше калык-влакын тӱвыраштым шымленыт: калык модыш дене модыныт, марла, татарла, рушла куштеныт, а эше мӧҥгыштӧ авашт-ачашт дене пырля ямдылыме калык кочкышым тамленыт. «Гостиная народов Республики Башкортостан» манын лӱмдымӧ оҥай пайремыш йоча-влак калык вургемым чиен миеныт. Школышто эртарыме тыгай паша кушкын толшо тукымым шочмо калыкын тӱвыражым палаш, шкем тудын ужашыже улмым умылаш полша, воктен илыше калык-влакын тӱвыраштымат пагалаш туныкта.