-23 °С
Раш
Все новости
Шинчымаш кугорнышто
24 Сентябрьыште 2025, 11:57
Калык вургемна - тӱвыра поянлыкна
Кажне ийын сентябрь тылзыште Калык вургем кече эртаралтеш. Тиде кечын школлаште тунемше ден туныктышо-влак, эн мотор шке калык вургемыштым чиен, тудын сӧраллыкшым ончыктат.
«Шӱйшӧ пареҥге» калык модыш. Авторын колтымо фото-влак.
Мемнан школыштынат тиде кече кугу пайремлан шотлалтеш. Эрдене школ линейкыште книга да вургем выставкым почна. Переменыште пошкырт, марий, татар да руш калык модыш дене модна. Тидыже йоча-влаклан пеш келшыш. Урок деч вара А.П. Ахмадеева кызытсе марий тувыр да тудын кузе ургалтмыж нерген каласкалыш, а мый йочасадын музейже гыч кондымо ожсо марий вургем дене палдарышым. Йоча-влаклан кид дене тӱрлымӧ шовычым, тувыр тӱрым ончыктышна. Тыгай сылне пайремым тӱрлӧ калык куштымаш дене мучашлышна.
Йоча-влак школыш калык вургемым чиен миеныт.
Кажне айдеме шке калыкшын тӱвыраж дене кугешнышаш да тудым саклышаш.
Новости партнеров