Элысе ача-ава-влакын погынымашышт

Просвещений министр Сергей Кравцов «Россий таче» пресс-рӱдерыште 1 сентябрь гыч туныктымо пашаш шыҥдарыме вашталтыш-влак, «Основы безопасности и защиты Родины», «Труд (технология)» у предмет-влак дене урокым кузе эртарыме, 10-шо да 11-ше класс-влаклан «Российын историйже» да моло предмет дене у учебникым ямдылыме нерген каласкала, ача-ава-влакын йодышыштлан вашешта. Тыгак школ ден йочасад-влакым чоҥымо, капитально ачалыме, шинчымашым пуышо организаций-влаклан пашаеҥым ситарыме, лӱдыкшыдымылык да моло йодышлам каҥашат. Онлайн-формат дене эртарыме мутланымашке элнан кеч-могай кундемыштыже илыше-влак ушнен кертыт.