Чот мут вес радамыш «куржын»?

Тугеже, «ныллым» шомак лӱм мут лиеш. Калыкыште «Мыняржым чӱктеда? Ныллыжым (кумытшым, шымытшым)?» манмымат колаш логалеш.  «Мыняр?» йодышлан чот мут вашешта. Тунам «ныллым» винительный падежыште чот мут лиеш.  Тыште чот мут лӱм мут радамыш куснен манаш утларак келша, очыни. Нылле - вес тӱняш кайыше еҥым уштымо йӱла. Но молан Википедийыште «Лӱм мутын ышталтмыже» манме ужашыште тыгай случай-влакым ончыктен огытыл? 

Ынде А. Китиковын «Марий калыкмут мутерже» гыч чот мутан икмыняр ойым ончалына. 

• Мураш пырля сай, ойлаш иктын-иктын сай.
• Мутланаш кок ийыште тунемыт, а йылмым кучен мошташ кудло ият шагал.
• Марий еҥ, ик гана ончык тошкалмеш, кум гана шеҥгек ончалеш.
• Шуко мутышто чын шагал.
• Шоя мут - кум кечаш, чын мут - курымаш.
• Ик пушеҥгым руэнат гын, кокыт шынде.
• Чапле паша кок ӱмырым ила.
• Тӱжем пачаш шонен коштмеш, лучо ик гана чыным каласаш.
• Шогавуй кучышыжо - икте, совла нӧлтышыжӧ - кандаше.
• Кок ӱдырамаш - пазар, кум ӱдырамаш - ярмиҥга.
• Икте шолыштеш - нылле иктылан йолаже.
• Ик имньылан кок омытам огыт чикте.
• Мончаш пурымаш - узьмакын пел шӧржӧ.