Шочмо йылме - чон поянлык

Туныктышо-влак М.Н. Адылгареева ден Ж.Ю. Сайсанова марий йылмын историйже, поянлыкше дене палдарышт, видеом ончыктышт. Ме, кугурак класслаште тунемше-влак Аделина ден Александра Гареевамыт, «Калыкмутым пого», «Лексика дуэль», «Самырык кусарыше», «Шем яшлык» да моло тӱрлӧ грамматический модыш-влак дене модыктышна. Тыгак тунемше-влак шочмо йылме дене возымо почеламутым лудмаште, мурым мурымаште мастарлыкыштым ончыктышт. Пайремын кокымшо ужашыштыже 3-4 классыште тунемше-влак «У ий пӧрт», а 5-6 классыште тунемше-влак «Шочмо кече» йомак-влакым пеш устан модын ончыктышт. Мероприятийым иктешлыме годым эн сай тунемше-влакым Чап грамот дене палемдышт. Пайремнам тамле сий да шокшо чай дене мучашлышна.