Книгагудым уэмдынешт

Тунемше-влак «Своя территория» уверым шаркалыме библиотека шотан рӱдерым ямдылат. Кызытсе саманыште книгагудо уэмдымашым йодеш, тушто кажне тунемше «шке вержым» муын кертшаш. Тыгак книгагудо кеч-могай йодышлан вашмутым пуэн кертше вер лийшаш. Тидлан ноутбук, Wi-Fi роутер ден скоростной интернет, тыгак шуко функциян устройство-влак (МФУ) кӱлыт. Тыге ик тунемше ноутбук дене пашам ыштыме жапыште весе пушкыдо пуфикыште келшыше книгам лудын але тудым аудиосерыш семын колышт шинчен кертеш.

Книгагудо пашаеҥ йоча-влаклан кӱлеш книгам кычал муаш  шуко жапым ойыра. Тиде жапым кӱчыкемдаш электрон каталог полшен кертеш. Тыге тунемше-влак кӱлеш книга нерген уверым шкеак писын пален налын кертыт. Кычалме книга уке гын, тудым Российысе национальный книгагудылаште ончалаш лиеш. Нине электрон ресурс-влаклан подпискымат проектын сметышкыже пуртымо.

Тунемше-влакын тыгай оҥай да кӱлешан проектыштым школ илышыш шыҥдарыманак!