Тӱрлӧ вере - ончылно

Уфа оласе Рушарня марий школын ӱдыр-рвезыже-влак тӱрлӧ мероприятийлаш кумылын ушнат. Тыгайже идалык мучко ятыр лиеш. Теве шукерте огыл гына, 12 декабрьыште, «Нур» кугыжаныш татар театрыште Башкортостанысе самырык-влакын XI республикысе искусство фестивальыштышт Элвика Таныгина ден Гита Мадияровам (педагогышт В.В. Ганеева да З.А. Мадиярова) «Сольное исполнение» номинацийыште диплом да шарнаш кодшо пӧлек дене палемдышт.

Авторын колтымо фото-влак.

Ӱдыр-влак шукертак Рушарня школыш коштыт, марий калыкнан йылмыже, тӱвыраже, йӱлаже-влак шотышто шинчымашыштым пойдарат, кушталташ-муралташ мастар улыт, садлан тыршымыштым палемдыме дипломыштат ынде икте веле огыл.

Эрлашыжым Уфасе шуко профилян полилингвальный 1-ше гимназийыште республикысе национальный рушарня школ-влакын V слетышт эртыш. Педагогын да наставникын идалыкыштлан пӧлеклыме слетым педагог-влакын конкурсышт семын эртарышт. «Калейдоскоп» усталык рӱдер пелен пашам ыштыше Рушарня марий школын туныктышыжо О.В. Васильев «Марий семӱзгар-влак» мастарлык классым эртарыш. Башкортостан Республикын Образований да наука министерствыже тудым диплом дене палемдыш.

Автор:В. ГАНЕЕВА. Уфа ола.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».