Сертификатым пуэныт

Тудым Паша верым муаш полшышо рӱдерлаште учетышто шогышо, декрет отпускышто улшо ӱдырамаш, ончыкыжат пашам ышташ шонышо пенсионер-влак, СВО-што лийше-влак да нунын ешышт налын кертыт.  

«СВО-што лийше-влаклан да нунын ешыштлан 50 тӱжем, моло граждан-влаклан 20 тӱжем теҥгеаш сертификатым кучыктат», - палдарен еш, паша да калыкым социально аралымаш министр Ленара Иванова. 2023-шо ийыште образовательный сертификат-влаклан региональный бюджет гыч 13,4 миллион теҥгем ойыраш палемдыме. Сертификатым налше 707 еҥ гыч 481-же уже тунем лектын.