Тендан лӱмеш, ача-влак!

Нефтекамск оласе реабилитаций рӱдерыште Ачан кечыжлан лӱмлымӧ мероприятийым эртарышна. Ача - кажне айдемылан лишыл еҥ, ешын эҥертышыже, аралтышыже, илышлан пример. Тудо мемнам чын, сай койыш-шоктышан айдеме лияш, пашам йӧратен кушкаш туныкта, осал деч арала. 

Вашлиймаште тиде кечын ача-влак лӱмеш шуко поро шомак йоҥгыш. Йоча-влак ачаштын портретыштым сӱретлышт, нунылан пӧлеклаш шке кид дене оҥай арвер-влакым ямдылышт, да, конешне, сылне концерт дене куандарышт.