Пӱртӱс лоҥгаште шыжымат оҥай!

Нефтекамск оласе 11-ше школын 1"д" классыштыже тунемше ӱдыр-рвезе-влак туныктышышт Н.А. Тамиева дене пырля у тунемме идалыкыште ола тӱрысӧ чодыраш экскурсийыш миеныт. Оҥайрак лийже манын, тидым тушто пират-влакын шылтыме кладыштым кычалме модмаш семын келыштареныт. Тиде сомылыш ава-ача-влакат ушненыт. Родительский комитетын еҥже И.И. Лотфуллин ондак йоча-влаклан тусо вер-шӧрын картшым кучыктен. Кладым кычалын, чодырасе йолгорно дене ошкылмо годым йоча-влак шыже толмо нерген шижтарыше пале-влакым лончыленыт, тӱрлӧ пушеҥге кузе вашталтме нерген мутланеныт, у кышкыл-влак дене палыме лийыныт. Шижде, кугу кӱ шеҥгелне кычалме "кладымат" муыныт! Мучашлан нуно, чылан нойышо, но куаныше, шыжымсе пӱртӱс

лоҥгаште тамле кочкыш дене шокшо чайым йӱыныт.