«Ме гагаринец улына»

Полиолимпиада направлений почеш йоча-влак 14 заданийым шуктышт. Тыге нунын логически шонен моштымыштым, математикылан усталыкышт да йылме лывыргылыкышт могай улмым умылаш лийын. Физический культура направлений дене ямдылыме 5 заданий вий-куатыштым, писылыкыштым да лывыргылыкыштым рашемдаш полшен. Заданийым кузе шуктымым жюри посна шкала дене аклен. Чыла результатым куратор «личный кабинетешыже» вераҥдыме протоколеш возен. Тусо данный-влак негызеш полиолимпиадыште 2 да физический культура дене 4 сеҥыше автоматически ойыралтыныт. 

Вара йочасадысе сеҥыше-влак олимпиадын муниципальный йыжыҥыштыже вийыштым тергышт. Тушто Давид Рашитов (О.В. Бодрая ямдылен) сеҥышыш лекте, ынде республикысе олимпиадыште вийжым тергаш ямдылалтеш, 3 икшыве призер радамыш логале (М.Е. Сатылбаева ямдылен), иктыжлан сеҥаш ик балл гына ыш сите. Чыла участниклан дипломым, оҥеш пижыктыме знакым кучыктат.