Корнысо самырык инспектор-влакын отрядыштым ыштымылан - 50 ий

Таче ЮИД-ын отрядше-влакым ыштымылан 50 ий темеш. 1973 ийыште ты кечын корнысо самырык инспектор-влакын отрядышт нерген посна Положенийым луктыныт. Нефтекамск оласе 5-ше йочасадыштынат 2015 ий годсек «Катюша» отряд уло. Тудо «Ме правилым сайын палена, кӱлеш гын, тендамат туныктена!» девиз дене ила. Ты тӱшкам икшыве-влакым корнышто шекланен кошташ туныкташ, шинчымашыштым пойдарен шогаш манын чумырымо.

Идалык жапыште ӱдыр-рвезе-влак дене ятыр пашам шуктена: мутланымаш, викторина, сӱрет конкурс, занятий, таҥасымаш, акций-влакым эртарена, тӱрлӧ макетым, икшыве да ача-ава-влаклан памяткым да молым ямдылена, оласе да республикысе акцийлаш тӱшкан ушнена.

Корнысо самырык инспектор-влак дене виктарен колтымо сомыл йоча-влаклан изинек кугыеҥ, эреак вашкыше айдеме ден автомашина-влакын тӱняштышт илыме правилым палаш туныкта. Самырык инспектор-влак шкештат шуко пайдале пашам шуктен шогат - шкешт деч изирак-влакым корнышто коштмо правил дене палдарат, ГИБДД пашаеҥ-влак дене пырля тӱрлӧ мероприятийыш мият, шке иктаҥашышт коклаште агитацийым эртарат.

Мемнан «Катюша» отрядна корнысо самырык инспектор-влакым 50 ияш лӱмгечышт дене саламла! Тендан тыршымыда корнышто коштшо чыла еҥлан пайдам конда. Корнышто порядкым кучаш полшымыланда таум ойлена.

Автор:М. САТЫЛБАЕВА, Нефтекамск оласе 5-ше йочасадын физкультур инструкторжо, ЮИД отрядым вуйлатыше.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».