Кок группын воспитательже-влак Ксения Леонидовна Александрова ден Лариса Васильевна Аплекаеван проектышт почеш оҥай янлык-влак, пряник-пӧрт, автотрек, чарак-влакым эртыме вер (полоса препятствий) да ий курыкат сылнын "кушкын" шогальыч. Тыгай чулым воспитатель-влак дене пырля поро пашашке уло кумылын полышкалышышт-влак Елена Васильевна Мадьярова, Людмила Алексеевна Санеева да ача-ава-влак ушнат. Садикыштына кайык ӱстелнат уло. Йоча-шамыч тӱрлӧ кайыкым палат, нуным пукшат, пӱртӱсым аклаш, йӧраташ, пагалаш тунемыт. Тыгерак Изи Соказа ялыштына тыршен илена, икшывынамат шочмо-кушмо элым йӧратен, икте-весылан полшен илаш туныктена.