Шочмо йылмылан шӱмаҥдена

Кугурак да подготовительный группылаште «Мой край родной» ден «Жемчужина» кружоклаште оҥай занятий-влакым эртарышна. Йоча-влак башкир поэтын илыш-корныжо, творчествыже дене палыме лийыч, почеламутшо-влакым лудыч. Тыгак моло йоча-влак дене башкир йылме, литератур да тӱвыралан пӧлеклыме пайремым ямдылышна. Изи ӱдыр-рвезе-влак уло кумылын калык модыш дене модыч, шочмо кундем нерген мурым, почеламут-влакым йоҥгалтарышт, курай, домра да кубыз семым колыштыч. Йоча-влаклан Башкортостан Республикысе калык-влакын йӱлашт, вургемышт, тӱвырашт нерген пален налаш путырак оҥай ыле. Педагог-влак тыгак «Акмуллинский диктант» тӱнямбал акцийыш ушнышт.

Авторын колтымо фото-влак.