Йоча-влак Марий Эл Республикын символикыже, тӱвыра поянлыкше дене палыме лийыч, марий калыкын историйже да илыш-йӱлаже нерген видеофильмым ончышт. Пайрем годым марий калыкын йӱлаж нерген каласкалыше выставкым ямдылыме ыле. Йоча-влак марла почеламутым, семӱзгар дене шоктымым, тӱрлӧ мурым колыштыч, весела калык модыш ден модыч. Тыгак «Театр танца» кружокышто шуаралтше ӱдыр-влак марла куштымашым ончыктышт. Пайрем мучашыште «кандырам» кушталтышна.