Все новости

Мӱкш семын пашам ыштат

Кӧ тугай воспитатель? Тиде куштылго але неле профессий? Чынжымак, воспитатель лияш куштылго огыл, чыла еҥат тиде пашам шуктен огеш керт. Нунылан мланде марте вуйым саваш кӱлеш. Тиде профессийыште йочалан ава-ачат, кова-кочат, ака-изат, туныктышат, врачат да тулеч моло еҥат лият. А эн тӱҥжӧ - падыраш-шамычлан эн лишыл да ӱшанле йолташыш савырнет.

Нефтекамск оласе тазалыкым пеҥгыдемдыме рӱдерыште поро кумылан, ныжылге чонан да ӱшанле воспитатель-влак тыршат. Тиде С.Д. Бородина, В.Г. Миннигалиева, Г.М. Хазиева, О.А. Аверкова, Е.Ю. Гибадуллина да Г.Р. Басырова.

Воспитатель-влак, эр гыч тӱҥалын, кас марте мӱкш семын пашам ыштат. Тӱрлӧ верла гыч толшо йоча-влаклан йокрок ынже лий манын, оҥай мероприятийым эртарат.

Чыла воспитатель-шамычлан тазалыкым, кужу ӱмырым да еш пиалым тыланен кодына.

Автор:С. ИВАНОВА. Нефтекамск ола.
Читайте нас: