Педагог - тиде профессий але призваний?

Да, профессийлан тунемман. Педагог (але туныктышо) профессий, моло дене таҥастарымаште, эн тошто улеш. Таче тунемме заведенийлаште шуко еҥ педагог профессийым налын кертеш. Самырык еҥ-влак институт ден университетлаште, училищылаште шинчымашым погат да тӱрлӧ специальностьым налын лектыт. 

Могай шонымаш дене мемнан тунемме заведенийыш толыт, вузнам ойырен налыт, мо дене Пошкырт кугыжаныш университетын Пÿрö филиалже утларак йӧнан? Туныктышын профессийже пеш кӱлешан! Урокым эртарымаш, изи йочалан шинчымашым пуымаш - тиде, мутат уке, кугу ответственность. А эше, чоным пыштен, шке пашатлан куанен, кажне йочан чонышкыжо корным муаш кӱлеш. Кеч-могай ситуацийыште педагог поро, колышт моштышо, йытыралык да арулык дене ойыртемалтше лийшаш, кажне тунемшым икгай йӧратышаш. Тыглай тунемшылан педагог эре пример улеш.

Тений Пошкырт кугыжаныш университетын Пÿрö филиалыштыже угыч марий пöлка почылтын, тышке марий йылмым йöратыше 12 ÿдыр-рвезе погынен. Нунылан, вич ий жапыште шуко шинчымашым поген, школыш йоча-влакым туныкташ кайыман. Мемнан кокла гыч Виолетта Иркабаева кызытак Мишкан районышто туныктышылан тырша, а вузышто индивидуальный программе почеш тунемеш, кÿшыл образованийым налашыже тыгай йöным ойырен налын.

Тунеммаш - куштылго паша огыл, туге гынат ÿшаныме шуэш, кажнынат, вич ий гыч дипомым кидыш налын, у корно дене ошкылеш.