Все новости
Шинчымаш кугорнышто
3 шорыкйол 2022, 11:55

Класснамат сӧрастарена

Мемнан деке адакат У ий вашка. Меат, Павасола школышто тунемше-влак, пайремлан уло кумылын ямдылалтна.

Авторын колтымо фото.
Фото:Авторын колтымо фото.

Мыйын лӱмем Юлиана. Мый кандашымше классыште тунемам, староста улам. Ий гыч ийыш школышто У ий вашеш конкурс-влакым увертарат. Иктыже - кӧ тунемме классшым эн моторын пайремлан сӧрастара. Меат, кандашымше классын тунемшыже-влак, уло кумылын конкурсыш ушнышна. Эн ондак планым ыштышна. Кажныже шке шонымашыж дене палдарыш. Ӱдыр-влак кагаз гыч мотор деч мотор лум пырче-влакым ыштен тольыч, тӱрлӧ узоран гирлянде-влакым ямдылышна. Рвезе-влак модыш-влакым веран-верышкыже пижыктыльыч. Чыланат пеш чот тыршышна. Кажне эрдене школышко уло кумылын вашкена, классышкына  куанен пурена, пуйто йомакысе илемыш логалына.  

Ӱдыр, рвезе-влак! Шушаш У ий дене шокшын саламлем! Таза лийза, тыршен тунемза. Йӱштӧ Кугызай чылалан тек куаным конда!

Автор:Ю. АХМАДИЕВА. Павасола, Калтаса район.
Читайте нас: