Йочан йылмыжым эре лывыртыман

Кызытсе илышыште йоча-влак да ме шкежат шукыжым рушла мутланаш тыршена. Тидыже изиш йоҥылыш: айдеме, шочмеке, шочмо йылмыж дене шонышаш да кутырышаш. Тунам веле тудо илышыште пеҥгыде да виян лиеш, сай кӱкшытыш шуын кертеш.

Ме Чорай селасе йочасадысе дошкольный группышто кугурак икшыве-влак дене марла кружокым намиена. Марий йылмым тунемме шотышто арняш кок гана ешартыш пашам шуктена. Шочмо йылме дене возымо почеламутым, мурым, йомакым, калыкмутым туныктена.

Йочан йылмыжым утларак лывырташ манын, шукерте огыл «Кокай деке унала» мероприятийым эртарышна. Тушто марий йӱла, фольклор дене келгынрак палдарышна, тушто, муро, модыш, йомак нерген шинчымашыштым кумдаҥдышна.

Йочан йылмыжым эреак лывыртен шогыман. Кокай дек унала чумырген, йоча-влак ожно кастене калык могай кидпашам ыштыме дене палыме лийыч. Ӱдыр-влак межым шӱдыреныт, пидыныт, тӱрым тӱрленыт, эрге-влак ний гыч йыдалым тодыныт. Паша коклаштак йомакым ойленыт, туштым туштеныт, муреныт, куштеныт, калык модыш дене модыныт. Меат йоча-влак дене «Йыдал пӧрдыктен» да «Шергашым оптен» модна, пырля «Икыт, кокыт...» калык мурым шарналтышна.

Йоча-влаклан пайрем келшыш. Нуно шуко у мутым пален нальыч, у модыш дене модыч. Пайремым эртараш воспитатель-влак М.А. Назмиева, музык пашаеҥ О.А. Васильева, воспитательын полышкалышыже В.И. Зайниева полшышт.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».