Пӱсӧ ушан да поро кумылан рвезе

Ош Виче эҥер воктен Кужнур ял верланен. Ялна пеш мотор, сылне верыште волгалт шинча. Йырым-йыр чодыра гӱжла, кумда пасу шарлен. Кужнур ялыш пуретат, вигак умылет: тыште пашам йӧратыше, поро кумылан калык ила. Мотор деч мотор у пӧрт-влакым чоҥат. Кажне сурт шке семынже сылне. Сурт кӧргыш логалат гын, суртоза поро кумыл дене вашлиеш да унажым сий кочкышым тамлыде ок ужате. Тыгай порылык озаланыме ешыште йочажат ача-авам, шочшыжо-влакым жаплыше да пагалыше, поро кумылан, пӱсӧ ушан лиеш.

Кужнур кыдалаш школын луымшо классыштыже лач тыгай ешеш шочын-кушшо Станислав Япаров тунемеш. Тудо школын ик эн сай тунемшыже. Чолгалыкшым, пӱсӧ ушан улмыжым, мастарлыкшым, шинчымашыжым ий еда тӱрлӧ таҥасымашыште, школысо, районысо, республикысе конкурслаште, тӱрлӧ предмет дене эртарыме олимпиадылаште терга. Станислав тений эн чотшым марий йылме да литератур дене сай лектышым ончыктен. Тудо школысо, районысо олимпиадылаште ончыл верыш лектын, а шукерте огыл шинчымашыжым Пошкырт кундемын рӱдолаштыже, Уфаште, эртыше олимпиадыште терген. Станиславын тыршымыже арам лийын огыл. Тудо призер-влак коклаште шке вержым муын. «Мыйын ик кугу шонымашем уло, - ойла Станислав, - Марий Элын рӱдолажым, Йошкар-Олам, ужмем шуэш. Тиде ийын шонымашем шукталтде кодо, вет тушко логалашлан сеҥышыш лекташ кӱлеш. А мыйын изишак вием ситен огыл ала-мо. Умбакыже шонымашем эше шукталтеш, шонем». Тыгак лиеш манын, меат ӱшанена. Марий Элын рӱдолашкыже кӱшыл шинчымашым налаш каен кертат. Тунам тылат марий тӱняш у, волгыдо корно почылт кертеш. Тыгаяк пӱсӧ ушан, чолга да поро кумылан рвезе лий. Умбакыжат шочмо йылметым, калыкетым, мотор шочмо кундеметым йӧратыше да жаплыше рвезе лийын код.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».