Кеч-моланат икшывым изинек шӱмаҥдыман

Нефтекамск оласе 39-ше «Семицветик» йочасадыште воспитательлан ыштыше О.И. Кугубаева да М.И. Вайтина 2017-ше ий годсек арняш ик гана изи ӱдыр-рвезе-влаклан марий йылме кружокым эртарат. Тений сентябрь гыч шочмо йылмым вияҥдыме сомылланат ик шагатым ешарен пуэныт. 16-шо кугурак группыштышт кумло йоча гыч кандашыже гына марий гынат, чыла икшыве занятийлаш коштеш (ача-авашт йодмашым возеныт). Йоча-влаклан марий калыкын тӱвыраже да йӱлаже нерген у уверым пален налаш, пайремлаште марий вургемым чияш моткоч келша.

Кодшо арнян марий калыкын оҥай еҥже-влак дене вашлиймаште унавлаклан шке моштымашыштымат ончыктен колтышт. Ты кечын воспитатель-влак йочасадыш «Чолман» газетын тӱҥ редакторжо И.И. Губаевым, тудын вуйлатыме «Шӱдыргорно» ансамбльын мурызыжо-влакым, Мишкан район Ардаш ял гыч «Акарт» ансамбльын вуйлатышыже В.И. Хамитовым да ансамбльыште мурышо Г.Э. Хамитовам ӱжыныт ыле.

Марий калыкын сем поянлыкшылан пӧлеклыме жап пеш пайдалын да веселан эртыш. Ӱдыр-рвезе-влак воспитательышт дене пырля музыкальный залыш марий сем почеш мужыр дене ошкыл пурышт. Марла-рушла муралтен пуышт, почеламутым каласкалышт, калык модыш дене модыч. Уна-влакын шочмо кундем нерген мурымыштым колыштыч да варажым И. Губаевын да В. Хамитовын баяным шоктымышт да тӱмырым пералтымышт семеш шкештат шӱшпык дене шӱшкен, йӱк-йӱаным лукшо тӱрлӧ семӱзгар дене шокталтен ончышт, пырля кушташ лектыч.

Йочасадыште вашлиймаш чыла шотыштат сайын эртыже манын, воспитатель-влак да тыгак музыкальный пашаеҥ Г.Н. Сафиуллина, социальный педагог С.Н. Валиева уло кумылын тыршеныт. Йочасад вуйлатышым отпуск жаплан алмаштыше кугурак воспитатель Р.А. Мавлетбаева чылаштым мокталтыш да уна-влаклан кугу таум каласыш.

Моло фотом тыште ончыза

(остальные фото можно посмотреть по ссылке)

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».