Республикысе 33 туныктышылан премийым кучыктат

Россий Федерацийын просвещений министрже О.Ю. Васильева педагогика пашаште сай лектыш дене ойыртемалтше туныктышо-влаклан премийым кучыктымо нерген приказым луктын. 2019-ше ийысе конкурсышто сеҥыше-влак коклаште мемнан республикысе кум марий туныктышын лӱмжат уло. Тиде Шаран районысо Мичуринск села гыч М. Фархутдинов лӱмеш кыдалаш школын биологийым туныктышыжо В.Т. Акбулатов, Мишкан районысо Кемей кыдалаш школын историйым туныктышыжо В.Я. Апсатаров, тиде школ гычак биологийым да химийым туныктышо А.Я. Саляева.