У тунемме ий йочалан мом сӧра?

Уфасе «Торатау» конгресс-холлышто образований пашаеҥ-влакын республикысе педкаҥашышт эртен. «Тачысе образований система ойыртемле саманыште улеш. Тидым ме умылышаш улына. Россий Президентын палемдыме национальный проект-влак тудлан вияҥаш сай йӧным ыштат», - палемден БР Вуйлыкын пашажым шуктышо Радий Хабиров. Погынымашыште у тунемме ийысе вашталтыш-влак нергенат каҥашеныт.

Арняште вич кече тунемаш

Тӱрлӧ вашталтыш да уто нелытлан кӧра школ илыш йоча-влакын чыла гаяк яра жапыштым айла. Тидлан кӧра Радий Хабировын темлымыже почеш нылымше чырыкыште южо школ-влак арнялан вич кече тунемме радамыш кусненыт. А у тунемме ийыште моло школлаштат арняште вич кече туныкташ тӱҥалыт. Тыгодым туныктышо-влакын пашадарышт ок изем, тугаяк кодеш.

Тӱрлӧ йылмым шымлаш

Республикыште 14 полилингвальный школым почыт. Тушто йоча-влакым руш, башкир, татар, англичан йылмыла дене туныкташ тӱҥалыт. Нине школ-влак республикыште чыла могырымат - кадр, туныктымо методика, содержаний шотышто - ончылно лийшаш улыт. Вашталтыш конкуренцийым чытыше, икмыняр йылмым палыше, пеҥгыде тазалыкан, ешартыш моштымашан выпускник-влакым «тапташ» полшышаш.

Ачалыме пашалан - миллиард теҥгем

Тений Башкортостан школ-влакым капитально ачалыме сомыллан миллиард теҥге утла оксам ойырен. Шийвундым школ йыр улшо верым волгалтараш, тыгак ялысе школлаште шокшо туалетым ыштыме сомылланат ойыреныт. «1 сентябрьлан чыла школыштат шокшо туалет лийшаш», - каласен Радий Хабиров. 2019 ийыште республикыште 21 у школым почыт.

Кочкыш-йӱыш шотышто

1-4 класслаште тунемше икшыве-влакым тугок пукшымо йӧным шымлат. БР Финанс министерствын шотлымыж почеш, тидлан ий еда 1,5 миллиард теҥге кӱлеш. Чылалан икгай меню лийме йодышымат рашемдат. Школ-влаклан кочкышым ямдылыше предприятий-влакын пашаштым тӱткын эскераш палемдыме.

Койыш-шоктыш пеҥгыде лийшаш

У тунемме ийыште республикысе южо школлаште воспитательный шӱлышан у проект-влакым илышыш шыҥдарат. Тиде «Семьеведение», «Киноуроки в школы», «Школа позитивных привычек», «Путевка в будущее», «Классный воспитатель» да молат. Нуно йоча-влаклан илышлан чыла шотыштат ямде лияш, еш илышлан, пашалан чын шуаралт кушкаш, тазалыкыштым пеҥгыдемдаш полшышаш улыт.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».