Ок мондалт тулан Афганистан

Икымше ужаш сарын участникше, школын выпус-кникше-влак дене вашлиймашлан пöлеклалтын ыле. Кокымшо ужашыште шашке дене модмо турнирым эртарышна.

Школыш тиде кечын Д.И. Илинбаев ден В.В. Дмитриев толыныт ыле. Уна семын туныктымо пашан ветеранже, ятыр ий военный пашам, ОБЖ-м, историйым да обществознанийым туныктышо Ф.Ш. Ибатовым ӱжмö. Кажнын ойлымыжо тунемше-влакын ушешышт поро кышам коден манын ӱшаныме шуэш. Афганистан сöйым ужшо-влакын оҥыштышт ятыр медаль чолгыжо. Ф.Ш. Ибатов сарым ужшо тунемшыже-влак нерген кугешнен каласкалыш. Мо оҥай, Д. Илинбаев, В. Шайбаков, В. Дмитриев, В. Ирдигитов, ик классыште тунемше-влак, тушман ваштареш ик жапыште, ик верыште кредалыныт. Сарыште Пошкырт мланде гыч кайыше 300 утла самырык еҥын илышыже кӱрылтын. Данил Илинбаевын Анатолий изажым (Тиде сареш вуйжым пыштен.) шып шоген шарналтышна. Туныктышыжо М.А. Шамратов тиде сарым тӱрлö семын лавырташ тыршыме нерген чон корштен ойлыш. Сарлан пöлеклалтше мурым колыштмеке, видеом ончымеке, совет воин-влак дене кугешныме кумыл шочо.

Тыгай сомыл тунемше-влакын уш-акылыштым пойдараш полша, историйым шымлаш кумылаҥда, икте-весе деке пагалымашым шыҥдара.