Аванам, кованам куандарышна

Эн ондак ава-влакын изи годсо фотокартычкыштым кычална. А вара ямле стендым сӧрастарышна. Вера кокай ӱдыр-влаклан чевер тувыр ден ончылсакышым ургыш.

Концертышкына ава, кувава-влак шукын погынышт. Нуно чылан марла тувырым чиен толыныт ыле. Тунемше ден туныктышо-влакат вараш кодын огытыл - чевер деч чевер марла тувырым чиеныт, чылт олыкысо пеледыш гай койыныт. Ава-кова-шамычлан почеламутым сылнын каласкалышна, тӱрлӧ куштымашым ончыктышна, мотор мурым мурышна, мыскара сценкым ончыктышна. Уна-влаклан концертна пеш келшыш, нуно мемнам совым кырен вашлийыч. Мучаште шке ямдылыме пöлекым кучыктышна. Тыге ме йӧратыме авана, кована-влакым пайрем дене саламлышна!