Рушарня марий школ йоча-влакым вашлиеш

Тачысе кечылан Рушарня марий школышто тунемше-влак марий калыкын историй-же, тӱвыраже да йӱлаже, марий йылме да литератур, калык куштымаш да ритмика, марий фольклор, муро да семӱзгар, сӱретлымаш да кидпаша усталык предмет-влакым тунемыт. Туныктышо-влак чылан кӱшыл образованиян улыт. Историйлан йоча-влакым Л.И. Салеева, хореографий искусствылан Н.А. Валишина, сӱретлымаш да тӱрлымаш усталыклан

М.С. Наумова шӱмаҥдат, марий йылме да методический пашам С.Я. Микишева виктара, марий фольклорлан

В.В. Ганеева вуйын шога, муро да семӱзгар дене

О.В. Васильев шокташ туныкта.

Идалык мучко тунемше да туныктышо-влак шинчымашыштым, мастарлыкыштым тӱрлӧ конкурслаште, викторинылаште ончыктат. Тиде «Моктем Пошкырт кундемем» сочинений, «У шӱлыш» почеламутым, «Салам лийже, йомак!» йомакым лудшо-влакын конкурсышт, «Азамат» Пошкырт кундемысе рвезе калыкын куштымаш да мурымаш фестивальже, «Эн сай урок», «Чылан куштат», «Пошкырт кундемысе калыкын легенде ден преданийже» оласе конкурс-влак, шочмо йылме фестиваль да молат.

Кугурак тукым нергенат огына мондо: Илалше-влакын кечыштым эртарена, Туныктышын кечыжлан сулло туныктышо-влакым, мутлан, образованийын отличникше

М.П. Кутлусатовым ӱжына. Ава-влакын кечышт годым шуко икшыван ава-влакым чапландарена, тыгак У ийлан, Шорыкйол пайремлан, Ӱдырамаш, Сеҥымаш кечылан конкурс-влакым, «Ме тендан дене кугешнена» пайремым эртарена.

Тӱрлӧ темылан класс деч ӧрдыжсӧ мероприятий-влакым палемдена. Тиде Марий тиште, Марий талешке, Космонавтикын кечышт да молат.

Школысо ик пайремат «Ош Виче сем» ансамбль деч посна ок эрте. Коллектив мемнам эре муро да куштымаш дене куандара.

В. ГАНЕЕВА, Рушарня марий школ директорын алмаштышыже.