Эн сай кабинетым ойыреныт

Мишкан районышто «Эн сай марий йылме да литератур кабинет» конкурсым иктешлышна. Конкурсыш районысо лу школ гыч йодмаш пурен. Аклыме годым кабинет-влакын чумыр «тӱсыштым», эстетика, дизайн шотышто йодмашлан келшен толмыштым, оформленийым, документаций пашам чын шуктымым, методический литератур, дидактический материал улмым, материально-технический базым шотыш налме, туныктымо сомылышто информационный технологийым кучылтмылан тӱткышым ойырымо. Конкурсышто Чорай селасе Я. Ялкайн лӱмеш марий гимназийыште О.В. Ир-

кабаеван вуйлатыме марий йылме да литератур кабинетым эн сайлан шотлымо. Кокымшо верым Пӱнчер школын кабинетшылан (И.В. Айгузина) пуымо, кумшо вер дене Мишкан селасе 2-шо школын

(Н.Г. Салиева) да Кӱрзе школын (Т.В. Алаева) кабинетыштым палемдыме. Тымбай школын марий йылме да литератур кабинетше (вуйлатыше Н.П. Минаева) «Марий калык йӱлам арален кодышо» номинацийыште ойыртемалтын.

А. КИЛИНБАЕВА.